Pabbi enn á landsspítalanum

Pabbi liggur enn inn á þvagfæraskurðdeildinni. Hann er farinn að fá mátt aftur í fæturna sem er bara gott og það kom útúr segulómuninni að blöðruhálskirtillinn hefur stækkað talsvert. Í dag var hann í viðtali hjá krabbameinslækninum sínum, henni Ásgerði, og ákveðið hefur verið að setja hann á eitthvað nýtt lyf sem læknarnir í Bandaríkjunum mæltu með. Það hefur ekki verið reynt mikið hérlendis og getur það haft talsverðar aukaverkanir og þess vegna verður hann inni á landsspítalanum allavegana fram á föstudag. Það þarf að fylgjast með honum því ef það verða aukaverkanir þá koma þær fram strax.

Annars er bara ágætt að frétta, ég náði öllum prófunum og er þar með orðin Stúdína:) Útskriftin er svo á laugardaginn næstkomandi. Í kvöld er ég að fara að syngja á tónleikum, annars er maður bara vinnandi út í eitt þessa dagana í Einarsbúð, en það er nú bara fínt:)

Ég bið þá bara í heilsa ykkur í bili og held áfram að reyna að færa ykkur einhverjar fréttir, við finnum öll fyrir hugsunum ykkar og hlýju:)

 

kær kveðja

Álfheiður SHe

Athugasemdir

[Soll-ann, 16.12.2008 kl. 23:44]

Til hamingju með húfuna, vonandi verður kallinn ferðafær svo að hann komist í útskriftina.

Bið ofsavel að heilsa pabba og mömmu þinni og stórt knús til hennar Ernu í Einarsbúð hún er bara yndi

[Sólrún (IP-tala skráð) 17.12.2008 kl. 08:48]

Knús

[Hulda Hrönn (IP-tala skráð) 20.12.2008 kl. 17:15]

Sæl og blessuð Álfheiður

Innilega til hamingju með að vera orðin stúdent.  Það er heilmikill áfangi.  Þú hefur væntanlega klárað með stæl eins og þér einni er lagið.  Skilaður góðri kveðju til mömmu þinnar og pabba.  Já og litla bróður.

 Hulda

[Ragna (IP-tala skráð) 20.12.2008 kl. 18:12]

Sæl og blessuð Álfheiður,

Hulda í Geirshlíð hringdi í mig og benti mér á að þú værir að klára stúdentinn í dag. Innilega til hamingju með áfangann og það verður spennandi að fylgjast með hvað þú tekur þér fyrir hendur í framtíðinni. Ég bið kærlega að heilsa fjölskyldunni þinni og vona að þið hafið það sem allra best um jólin og að pabba þínum heilsist vel. Jólakveðja :)